日本東北大地震
不多說,全天候也在接收消息。
昨天上班我已跟日本東京分部的日本同事聯絡,因為部分地區限制供電,
有些地方沒車,只有2-3成同事上班,也跟新潟的客人問候幾句。
至於我的日本東京旅行嘛...我掙扎了幾天,但東京的情況已經愈來愈惡劣,
暫時可以以每人$600的手續費退回全數。
(最新消息 : 有機會接近退全數)
其實昨天Confirm退票後,我已經立即再Book大阪機票,
大阪機位非常緊張,大概有不少跟我們情況一樣的人,
臨時改飛大阪,我叫Agent幫我Hold一天給我考慮。
但經過今天的掙扎,我覺得愈來愈不安,而且如果真的成行,
下星期六便要出發,我不認為這十天八天可以消除心中的不安,
結果...我正式Cancel日本旅行,一星期的大假也得到經理的批准取消了。
妹妹問我為何不改日本以外的地方?
很遺憾,我和可愛老公除了日本,
什麼地方都不想去!!
我的旅行List暫時只有日本,勉強加個西班牙。
(純粹因為可愛老公是足球球會巴塞隆拿的Fans!)
很奇怪,除了決定取消旅行的一刻感到失落外,現在反而感到鬆一口氣。
老實說,經過數天的新聞轟炸,對於日本這大災難愈感難過,
我還哪有心情去日本? 而沒法開懷暢遊。而且我也怕死啊...
日本,這次充分看到日本人民的獨特性,向全世界展示了最高尚的品格,
我本來不太喜歡日本人,但這次總算刮目相看,非常欣賞你們。
所以...我一定會來振興你們的經濟!!!(笑)
暫定下回方案 :
1. 雪景下的北海道 2. 11月日本某區的紅葉 3. 12月日本某區的聖誕節
(以上沖繩除外!)
唔去仲安心啦!快d 去Sogo買d日本食物啦!遲下都唔敢買!
回覆刪除[版主回覆03/19/2011 01:30:00]我仲有一張SOGO $100 coupon XDD
等日本好返先去啦~~~
回覆刪除咁會玩得安心好多!
[版主回覆03/19/2011 01:30:00]不過可能未來幾年都不敢去東北了
真係去到你都冇心機玩呀~都係等下先la.....
回覆刪除[版主回覆03/19/2011 01:29:00]我宜家睇新聞都仲心UP咁 =__=
我都選擇咗放棄, 玩係要玩得開心, 玩到有擔心又唔安心的話真係唔好啊! 我深信日本會好快可以重建佢哋家園, 到時我哋再開開心心咁去啊! 日本加油!!
回覆刪除[版主回覆03/19/2011 01:29:00]你退唔退到錢? 定係會改期?
Good decision!! 遲 d 安心時再去啦!! ^_^
回覆刪除[版主回覆03/19/2011 01:28:00]希望年底可以吧
我們一眾基督徙,加緊為日本和世界禱告守望.
回覆刪除[版主回覆03/19/2011 01:28:00]我也十分希望日本可以度過難關
你講得好岩。其實我最初去日本留學都唔中意日本人,覺得佢地好自我好自大,不過一有起事, 好似今次咁,日本人真係好團結同好肯為國家去放棄自己..我都好感動同有改觀
回覆刪除[版主回覆03/19/2011 01:21:00]對~因為我在日本公司做~真係好鬼自大~又睇唔起女人~ 公司D女人地位好低=__=" 不過同番中國人的行為比~日本人只是小兒科
暫時唔去日本住,而家d香港人聞日色變,以往祟日咩都日本貨而家慌死中輻射毒咁,我家女兒叫好彩因為本身我想佢食森永或雪印日本奶粉,而家d食開日本奶粉香港嬰兒父母要入大量貨因為擔心未來日本再做d粉有毒>~<因為奶奶堅持買惠氏,叫做唔洗同人爭奶粉
回覆刪除但我相信日本會努力重建家園的
[版主回覆03/19/2011 01:17:00]我表姐個仔(9個月大)~佢係可以飲任何牌子的奶粉~ 因為佢出世果時開始~表姐入左N咁多個奶粉果D會~ 果D會又送幾罐奶粉~所以佢個仔已經慣左唔洗飲一個牌子XDD
支持你既決定呀!! 去到玩都唔會開心,而且仲擔心自己生命的安全...
回覆刪除[版主回覆03/19/2011 01:14:00]最擔心的是屋企人~ 我D細妹話「你去唔係唔得~不過你會搞到全家人都擔心你」 佢咁講我即刻無野講~HAHA
是的,他們現時最需要是先安頓、重建,有些地區雖然沒受影響,但我估他們看到同胞們現時的景況,也沒閒情招呼我們。
回覆刪除我也深信他們能挺起來,重新站穩,因為他們深愛自己的家國。 那時候我們再幫忙振興他們經濟,加油!!加油!!
[版主回覆03/19/2011 01:11:00]HAHA~對~~我好想年底去北海道~ 仲有大半年時間~希望佢地可以安頓好~ 世界局勢穩定一點
本來refund要扣二千幾蚊, 而轉地方就可以全數保留, 但刹時間都唔知改去邊好, 後來保安局發出呼籲後, 國泰就比全數退款, 只係扣HK$220.00手續費, 所以就立刻叫agent幫我做refund囉! 而家大假都取消咗嗱! 因為之前老闆有工作要趕要求過我改假, 但當時我已經confirm晒所有嘢, 所以佢無我辦法, 而家取消晒行程, 佢就緊係唔再批我放假住啦! 所以大家都唯有繼續努力工作, 希望日本可以早日渡過哩個難關, 我嘅目標係出年四月再嚟實踐我嘅京、阪賞櫻啊!
回覆刪除[版主回覆03/23/2011 12:56:00]你好好彩了~只扣$220~
我有朋友~也是本來3月尾去大阪~結果取消~
旅行社要扣$8000 (2個人) !!!
只肯退機票唔肯退酒店啊!!!
singapore la.....very nice ka....
回覆刪除[版主回覆03/28/2011 22:04:00]暫時未有去SINGAPORE的mood =__=