2013-04-25

名古屋、伊勢、鳥羽、京都、大阪‧初夏遊確認!!

可愛老公說這兩個月在工作學業等等很疲倦,強烈要求7月8月去旅行散心,
什麼地方都沒所謂,但求出走數天,經過一點點討論...結果還是日本,
我承認我在旅行方面是很崇日...
不過我每次都主力去不同地方,每次都是不同體驗。^__^


不過去什麼地方也好,我也真的很怕夏天去旅行...Orz
前年的【東京伊豆花火溫泉之旅】是因為我突然轉工,所以新工上任前的熱爆夏天突然出發...
本來今年打算年底才再去啦...我喜歡冷天旅行,
不過也好...本來明年2月可能跟父親和妹子們三家六口去日本,
如果12月去完2月又去,時間相距太近會有罪惡感和減少期待感...XD


不過在日元大幅度貶值的大前提下,暑假機票機位比往年貴和緊張,
然後終於明白,香港人其實不是怕幅射,
香港人怕高日元多過幅射...XDD
這才是不去日本的真正原因啦...XDD
日元跌破八算關口大家一窩蜂去撲機票衝去日本...XDD

對於我這種無視十算照去的人來說,這回可以說是打個八折甚至更低!!
上星期終於訂了機票和請假了。


詳情如下 :

中國東方航空 : $1290+$1151(Tax)
---------------------------------------------------------
Departure Date : 2013-06-29

07:30 (Hong Kong) - 09:40 (Shanghai)
Flight : MU726


11:55 (Shanghai) - 15:05 (Nagoya)
Flight : MU719
---------------------------------------------------------
 
Return Date : 2013-07-06

13:40 (Osaka) - 15:00 (Shanghai)
Flight : MU516


17:00 (Shanghai) - 19:25 (Hong Kong)
Flight : MU505

---------------------------------------------------------


在非心水時段旅行嘛,就不要浪費無謂錢了,
只要是便宜,經上海轉機我是沒所謂,反正又不是沒試過,
為了不走回頭路,刻意安排名古屋入大阪出,這就更加有上海轉機的理由,
直航不是不可以這樣安排啦,只是機票會很很很貴,完全不值得,
況且CX直航名古屋的到達時間跟東航相差無幾...
回程時間相對是不太理想,不過機位緊張...
晚一點的回程時間已經Full了...


是次行程以名古屋開始,再去三重縣的伊勢及鳥羽,最後回京都及大阪,
重點行程是日本神宮之首 - 「伊勢神宮」,至於其他行程暫時一片空白,
夏天祭禮呀花火大會之類一向不是我杯茶...
出發的時候正好遇上日本夏季大減價呢,
三重縣我沒去過,上次去京都大阪已經是三年半前...要重新做功課...


名古屋、伊勢、鳥羽、京都、大阪初夏八天自由行...
準備中!!






15 則留言:

  1. >< OH, 我正想問下你有沒有平機票介紹, 太好了
    [版主回覆04/28/2013 14:20:36]在5月尾6月頭係遊日淡季~所以機票唔會貴~好多時航空公司自己都會做特價~
    得閒上佢地HP 望望
    第一次自由行? 去大阪還是東京就要睇下你想去日本做mud了~
    不過5月尾6月頭大阪東京都會係比較無特色的時段~所以其實無咩所謂
    (東京可以坐車去遠少少睇芝櫻)
    [Y.T回覆04/25/2013 23:57:11]不過我還在心大心細去大阪還是東京, 我打算在5月尾6月頭出發, 似乎要快點決定

    回覆刪除
  2. 勁, 舊 blog 未完, 又去過
    你知嘛, 睇你的 blog, 做少好多功課架

    想當日, 311, 好多人都口口聲聲 " 我呢世都吾去日本 "
    結果吾夠半年。 好多人都去沖繩, 話 " 隔咁遠, 吾驚啦 "
    一年後, 我去日本, 人人都勸我吾好去, 但係, 我買返黎的手信, d 人咪又爭住食
    咁驚, 吾好食丫
    依家, 事隔兩年, 當日話 " 呢世都吾再去日本 " 的人咪照去
    已經忘記幅射呢回事, 仲話 " 有咩好驚 "
    我心裡只想講句, " 妖 "
    [版主回覆04/28/2013 14:42:41]如果我寫GE野睇果條友又大部分arm洗~咁我就真係恭喜佢~haha...
    地震後4個月~我去東京~d人已經話我痴線~
    去果時~仲要破10算~
    我覺得~嫌十算貴所以唔去咪老老實實認左佢囉XD
    我唔洗睇報紙講(報紙有講YEN跌後報團/自由行急升)~自己呢次搵機票~極度明顯地難BOOK心水時間日子~原因真係明顯不過~幅射借口黎架姐~~真係驚幅射而又真係想去GE~去北海道咪得囉~隔左成個東北+個海~唔好同我講驚北海道有幅射威脅所以唔敢去呀

    回覆刪除
  3. 哈,咁快又去旅行啦
    我五月中都會去高雄旅行呢
    期待你旅行後的blog
    [版主回覆04/28/2013 15:05:26]ha...其實夏天旅行真係麻麻~不過老公想去無辦法
    BTW~你旅行應該比我更多

    回覆刪除
  4. 咁快又飛, 唔制呀, 我想飛都冇得飛!!
    哈哈, 你同我一樣, 真係可以高呼日本是我家
    [版主回覆04/28/2013 15:06:34]去日本番鄉下~HAHA~~
    等到呀仔AROUND 3歲應該就可以舉家出動了!

    回覆刪除
  5. 回想十算, 我都一樣依舊去日本, 而家趺到8以下, 唔去都對唔住自己啦!!
    有冇大量入定日圓先!!
    [版主回覆04/28/2013 15:07:48]我慣左臨出發先換yen~
    跌破8呢次應該會買多d野食番香港

    回覆刪除
  6. 妳就好啦,又可以去玩~
    [版主回覆04/28/2013 15:29:15]haha..去完呢轉要等下年先可以去啦

    回覆刪除
  7. 又可以去日本真好~
    我未試過大減價時遊日哩…不知你會買到什麼好物?
    [版主回覆04/28/2013 15:30:51]大減價時遊日我都係第一次~老公會買多個PORTER~
    我就無特定target! 其實真正SHOPPING我諗我只預around 日半架咋

    回覆刪除
  8. *♡Amami✿幸子♡*2013年4月26日 下午3:08

    hitomi講中好多人的心聲"香港人怕高日元多過幅射"XD
    我都打算夏季去旅行~^^ 諗梗去邊好><
    [版主回覆04/28/2013 15:33:15]幸子夏季就真係最好呢一兩個星期買機票!! 自由行定跟團?

    回覆刪除
  9. 請問點樣可以book倒,名古屋入大阪出?我上東方航空睇,如名古屋入,就要名古屋走。
    [版主回覆04/28/2013 15:38:49]我經學聯BOOK~東方航空直接BOOK我都唔知點樣可以名古屋入大阪走啊~
    另外東方航空自己BOOK貴過搵旅行社啊

    回覆刪除
  10. 跌穿咗8喇??我都想去一去呀同亞女~~~
    [版主回覆04/28/2013 15:46:57]穿咗8都一排的了~我諗都有一兩個月了

    回覆刪除
  11. 好野又有日本遊記睇^u^
    你地既相實在太靚啦~~~~ <3
    [版主回覆04/28/2013 15:46:51]thx~! 夏天d相可能不及冬天呢轉多

    回覆刪除
  12. 你只是單買機嗎?那住宿?因為我正煩躁去旅行><......也到大板,或未去過既地方,想看看風景。
    [版主回覆04/28/2013 17:26:52]我是單買機~住宿去日本網站自己book~例如JALAN / 樂天~我就主力用JALAN BOOK
    我呢次都主力去未去過的地方~名古屋、伊勢、鳥羽我都未去過
    京都大阪盡量去2009年時沒去過的地方

    回覆刪除
  13. 真係大穫,我諗住七月去,乜都未book...又未計劃,去日本邊度都未決定。
    [版主回覆05/01/2013 13:15:47]七月去嘛~快D BOOK就多D選擇~~
    回程其實有遲一班的機~不過要俾多d錢我唔肯XD

    回覆刪除
  14. 殷師奶 HeBi Yuen2013年4月30日 上午10:32

    你就快變日本通喇~~東南西北都去"雲"晒
    [版主回覆05/01/2013 13:14:17]O NO~北海道九洲四國呢D我完全未踏足過T_T

    回覆刪除
  15. wa , 羨慕C人 ....
    妳就好啦,又去日本
    [版主回覆05/03/2013 18:55:05]HA...我其實想冬天先去...

    回覆刪除