2016-04-21

旅遊大挑戰 - 親子初夏遊‧關東近郊 (機票確定)

不去旅行有人會要生要死的初夏7月即將來臨,
考慮好久掙扎好久,我不想拋下小金魚自己旅行,
但不想帶工人姐姐,不是錢的問題,而是只想與至親去旅行,
出走兩日一夜試了幾次,但坐飛機兼出走數天的話...
我們能應付嗎? 不過他說總有第一次,放膽一試啦。
不過也跟妹子說如果願意旅行途中偶爾幫忙照顧小金魚的話,
我們會補貼一點點旅費(笑)!!


♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥


詳情如下 :
ANA
成人機票 : $2,804@ (已連稅及兩件23Kgs行李)
嬰兒機票 :$290

---------------------------------------------------------
Departing Flight : 2016-07-02
14:55 (香港國際機場) - 20:15 (成田國際機場)
Flight : NH810
---------------------------------------------------------
Returning Flight : 2016-07-08
08:55 (羽田國際機場) - 12:30 (香港國際機場)
Flight : NH859
---------------------------------------------------------


本來是捕HK Express買去程送回程優惠,
我們花了幾分鐘討論到底去多少天,畢竟帶Baby有很多顧慮嘛,
有定案後合適的日子時間已經被搶光,我提議看看其他廉航及傳統公司,
ANA真的是價格大驚喜!!
$2804連稅每人兩件23Kgs行李喎!! ANA喎!!
如此價錢加上ANA品牌,還需要坐廉航嗎?!
帶著Baby的我們亦不太想坐騎尼時間的航班...
而且去程已經需要帶不少嬰兒必需品,行李重量自然愈多愈好。


現階段未知去什麼地方,關東近郊地方很多都去過了...
如果要說比較陌生的近郊應該要數栃木縣及千葉縣,
扣除首尾兩天,加上行程要超輕鬆,只會二選一,
千葉縣感覺上屬於沿海小鎮風情,栃木縣應該是山川和歷史建築吧!!
初夏應該去哪個好呢?



本來以為完成2015年賞櫻遊記才會再去旅行...

*..*..*..*..*..*..*..*..*
 
 
 ~*本遊記簡易Index(可快速查閱本遊記其他文章)*~
 

42 則留言:

  1. 執行李要好緊謹慎,要好好想下小金魚的旅行造型^^

    回覆刪除
    回覆
    1. 最緊要執藥,其他執少左都仲可以果邊買番,不過真係好多野拎

      刪除
  2. 期待你的初夏遊,我炎夏都會帶阿女同媽咪去東京,都係一大挑戰呀!hehe

    回覆刪除
    回覆
    1. 你呀女幾大?有呀媽幫拖應該情況好好多呢

      刪除
    2. 阿女11歲啦,但東京我地都係第一次去,仲要帶埋阿女去,阿媽鍾意行街,阿女鍾意玩機動遊戲,真係煩到嘔,plan行程真係大挑戰...嬲嬲地老公同阿女玩富士急,我同阿媽行outlet...但我揸左架車走,到時佢地唔玩又麻煩,我真係頭都大埋~~~

      刪除
    3. 喜好問題呢d易解決啦XDD 一家人你就我一日我就你一日~~
      分開行動其實唔錯~~大可以買張CHEAP CHEAP上網卡俾等大家方便聯絡~
      我同老公有時分開行動都是咁安排

      刪除
  3. 帶BB去旅行好大壓力,要顧及好多嘢,不過有過一次經驗就沒問題啦,ANA有咁平的機票,還有兩件23KG 行李,正﹗

    回覆刪除
    回覆
    1. 其實最驚係坐飛機升降果兩野同埋中途會唔會病,壓力又講唔上ge,其他顧慮係自己會好忙lol 就算兩公婆分工都好唔得閒,ANA有咁多重量可以唔洗點就住就住

      刪除
  4. 你岩岩買架? 我下個月都係飛 ANA 呀, 反而 JAL 都成半年無 promo 啦

    回覆刪除
    回覆
    1. ANA 呢張 baby ticket 超平喎, 曾經見過 blog 友寫, 吾記得飛邊到, under 2 yrs old, 只係成人 5 折- 8 折喳

      刪除
    2. 我記得你blog講過買ANA好似都是咁上下價錢,我係3日前買ge!
      一張不佔座位的Baby tickets(2歲下)一般係正價的10%,所以要視乎正價係幾多,到時呀女差不多8個月大,應該輪流抱都ok掛..

      刪除
    3. 我諗返啦, 個 blog 友去台北, 一間係大人$1600, bb $1200, 另一間係大人 $2000, bb 幾百 only, 佢買左後者, 因為 total 仲平。 所以如果帶 B 旅行, 真係 check 清楚。

      ANA 好有良心囉, 如果$260 連 tax 的話, 實際即係 free 啦。

      你今次吾係 budget airline 呀, 快 d 打去 request baby basket 啦, 佢訓吾訓一件事嘛

      刪除
    4. 咁即係你blog友貴果間“正價票”好貴XD
      Hkexpress bb票一程百幾蚊,
      Bb似乎唔洗俾tax, 因為我search ANA同hkexpress都無顯示有稅項,不過是但,
      Bb籃會要定,另外要左份bb餐,佢唔arm食咁大人都可以食埋佢XD

      刪除
  5. 咁快可以出發,睇到覺得開心
    衝破第一次難関,好快⋯⋯快2,3,4⋯⋯
    會不會考慮秩父或茨城?

    回覆刪除
    回覆
    1. 茨城係更陌生lol 7月初茨城有mud睇?秩父睇紫陽花?>>考慮中

      刪除
    2. 茨城縣國營海濱公園,賞花,兒童樂園,超級大,行幾小時逛不完⋯⋯
      你上網睇下7月時候有沒有花期:)

      刪除
    3. 藍花海果個...7月估計係薰衣草,兒童樂園>呀女未係時候XDD

      刪除
  6. 我係阿囡5月個月時帶過佢去一次~嘩, 精神勁緊張! 勁驚, 驚到我撘眠呀(誇張)
    但去左之後發現都唔係想像中咁難! 我去左7日, 係最後一晚唔訓, 但安撫下都無問題
    你仲要去日本~好多野都仲放心, 真係挑戰左一次就無難度~
    我下月尾都會再帶阿囡去九州

    回覆刪除
    回覆
    1. 5個月只係飲奶?我個女到時8個月,正路可能一日夾雜兩餐固體,呢下煩,老公3月去東京時買左d現成包裝baby food(和光堂一包包裡面用錫紙包裝果些,成包丟落熱水果種),睇下佢食唔食,因為我不能想像旅行要去煲粥仔...

      刪除
    2. 6個月bb開始會吃兩餐粥仔,會否考慮多些去新宿兩間蟹道樂,火煱後會弄一些蟹粥!另外,一些即沖糊仔或是水果蓉可以選擇嗎?我有些忘記了,8個月bb可以跟大人食東西未,印象好似要1歲或多些,才跟大人吃同樣的東西,是嗎?相信要考慮和顧及較多是bb的兩餐,其他的時間就是開心溫馨的時間啦! Mrs HO

      刪除
    3. 會買即沖糊仔/即食bb food頂住先~已經買左少少遲下test下呀女吃不吃~~要歲幾先可以跟大人食野呀~所以都真是幾麻煩

      刪除
    4. 第一次去佢係食全奶架~的確夾左固係麻煩啲~阿囡10個月果陣我去左HEA遊台灣, 果陣就一日係酒店煮2次粥仔拎出去食
      但去日本無可能咁做~
      BABY FOOD係最好架啦, 不過你最好到時係香港比佢試左食先, 果次去台灣我都有帶, 佢唔肯食呀, 真係殺我一個措手不及~
      我下個月去, 阿囡差唔多歲半, 我都係諗住早餐係酒店拎啲粥/煮帶出去食, DINNER食BABY FOOD

      刪除
    5. 歲半仲未可以跟大人食野架咩?!?!?!?! o no!!
      睇黎出發前要買家一堆即食baby food訓練佢啦...總之我希望到時只靠即開米粉+即食baby food+奶頂一星期~堅係唔想煲粥!!
      宜家我打算買埋果d旅行奶樽入奶袋果些~用完即棄~可以洗少幾多就得幾多~~~

      刪除
  7. 價錢吸引,假多實在太抵!因為午機去早機返前後冇兩日😁

    回覆刪除
    回覆
    1. 帶住bb唔敢坐騎尼時間,ANA個時間真係剛好配合bb的生理時間lol

      刪除
  8. 通常想話寫曬啲BLOG先再出遊都係假象...HEHEEE

    回覆刪除
    回覆
    1. 我本來真係諗住等多年先旅行架~~我忍到但另外果件唔得lol

      刪除
  9. 終於都係忍唔住要出走一次先,恭喜恭喜 ! XDDD
    我都唔想旅行都要煲粥仔,所以希望暑假前呢段時間俾多啲雜食佢,例如榴槤,等佢習慣吓咩都食,wakaka

    回覆刪除
    回覆
    1. 我忍到架,我本來都唔suppose今年會出門,不過另外果個忍唔到咋嘛XD
      雜食之一係榴槤?!榴槤我都唔食XD
      訓練唔洗動用榴槤掛XD

      刪除
    2. 其實唔係刻意用榴槤做訓練,只係我地兩邊家人都喜歡食,咪俾阿女舔兩啖囉 ! 雪糕都舔過兩啖 XD

      刪除
    3. 雪糕舔兩啖都還好~但榴槤呢家野真係唔係人人受到XDDDDDDDD

      刪除
  10. WOW, 真係大挑戰喎! 不過應該難唔到你GE~~

    回覆刪除
  11. 起飛降落時喝一下奶
    平時副食品可以是水果、麵包或即沖糊仔之類
    問題應該不大的
    旅程中我通常會安排他最精神的時段去他最好興趣的
    而他最可能睡覺的時段就去Shopping
    基本上都中
    Shopping超爽的跟從前二人世界沒差XD
    就輕鬆的出發去祝旅途愉快﹗

    回覆刪除
    回覆
    1. 謝謝分享呀!!我看別人經驗都說上飛機要準備奶一支和奶咀,8個月baby可以吃麵包了?8個月baby不知道到時有沒有喜歡的取向lol. 不過現階段應該不會有樂園的行程,等她識行識跑時再去,下星期開始會為baby試吃副食品!(差不多6個月大)

      以前shopping都跟先生分開行,這次可能要一起行動了

      刪除
    2. 我仔仔第一次飛時係7個月,我一上機就比佢飲奶(我親餵的),然後佢就訓左
      臨落機時佢喊醒左,可能耳仔痛,我又比佢飲奶,佢啜左兩下就冇喊,好順利就到落機
      BB 8個月可以食麵包呀﹗不過係D好軟熟乜都冇既白面包,我仔仔果時都好鍾意食架﹗
      另外就係比佢食D即沖既糊仔同水果(香蕉/士多啤利最方便,冇乜牙仔都「妹」到)
      我記得我有帶佢去麵包超人,佢鍾意架﹗會係咁搞D麵包超人公仔﹗
      但我SHOPPING佢明顯地冇興趣,瓜瓜叫嘈住要走﹗ 但一訓左我就可以自由自在慢慢睇﹗ 哈哈﹗
      我期待睇你地既遊記呀﹗

      刪除
    3. 好羨慕可以親餵吃到飽! 我親餵餵不飽結果我又要泵奶又要補粉>> 超麻煩!!
      如果可以帶少一堆奶瓶呀泵奶用具等等真係幾開心~
      我暫時都是預定糊仔會是副食中的主食~起碼去到所有餐廳都可以有熱水沖~
      不過我朋友個仔吃糊仔便秘結果唔食得~希望我果個聽聽話話啦...我真的不要煲粥呀(重覆100次)
      莫非我要去多次hello kitty XD

      刪除
    4. 親餵係帶小好多野,我次次都只帶一個杯一個碗一日片同一包濕紙巾
      然後去到再買,買完用完唔洗帶番黎﹗
      我去家庭醫生配平安藥比BB時有好多藥比我揀,我揀左D止痾止嘔同傷風咳藥比BB
      但好記得一定有通便便既藥﹗So far touchwood未需要用過,但如果擔心可以配定比BB就萬無一失

      我強烈感受到你唔想煲粥,因為我每次旅行都千方百計唔煲粥﹗XD
      你可以留意下日本有好多BB粥買,有D成包浸熱水5分鐘就食得,有D沖熱水攪拌完就食得
      我兩種都買過,BB都肯食,你可以試下呀﹗

      刪除
    5. 淨係少左奶瓶奶泵呢堆野已經少左成KG...宜家仲要特登買旅行用奶袋洗少D奶樽~又要用細食物袋分成一餐一包奶粉~無理由成罐奶粉帶去架嘛~
      我見有D blogger分享堅係好顛~又帶米又帶菜又帶埋肉去過煲粥~我一定唔會咁做...
      我頭幾日會去溫泉區+郊區~所以都要在香港買定~

      刪除